Психологиялық қолдау – Навигатор студента

Психологиялық қолдау: Сіз жалғыз емессіз

Күрделі өмірлік жағдайлар адамның эмоционалдық жағдайына, көңіл-күйіне және күнделікті мәселелермен күресу қабілетіне әсер етуі мүмкін. Мұндай сәттерде өз уайымдарыңызбен жалғыз қалмай, қажет болған жағдайда қолдау сұрау маңызды.

Психологиялық қолдау — адамға қиын жағдайларда туындайтын эмоционалдық шиеленіс, алаңдаушылық, күйзеліс және басқа да психологиялық реакцияларды жеңуге көмектесуге бағытталған қолдау түрі.

Психологиялық қолдаудың мақсаттары:

Эмоционалдық шиеленіс пен алаңдаушылықты азайту;
Өзін тыныш әрі қауіпсіз сезінуге көмектесу;
Өз сезімдері мен уайымдарын жақсырақ түсіну;
Күрделі жағдайды жеңудің тиімді жолдарын табу;
Ішкі ресурстар мен өзіне деген сенімді қалпына келтіру;
Қажетті көмек пен қолдауды дер кезінде алу.

Қандай жағдайда қолдауға жүгінген абзал?

Қатты күйзеліс немесе алаңдаушылық сезінсеңіз;
Эмоционалдық шаршауды бастан өткерсеңіз;
Оқу немесе жұмыс барысында қиындықтарға тап болсаңыз;
Айналаңыздағы адамдармен қарым-қатынаста қиындықтар туындаса;
Жаңа ортаға бейімделу қиын болса;
Өз сезімдеріңіз бен уайымдарыңызды өз бетіңізше түсіне алмасаңыз.

Қасыңыздағы адамға қолдау көрсетудің қарапайым тәсілдері:

Жанында болыңыз: Адамға өзінің жалғыз емес екенін және сіздің қолдауыңызға сене алатынын білдіріңіз.
Тыңдай біліңіз: Сезімдері мен уайымдарын бөлмей, сынамай және бағаламай еркін айтуға мүмкіндік беріңіз.
Түсіністік танытыңыз: «Уайымдама» деп сөздің мәнін жоймай, «Саған қазір қиын екенін түсінемін» деп колдау көрсетіңіз.
Асығыс кеңес бермеңіз: Кейде адамға ең алдымен оны тыңдайтын адамның болғаны жеткілікті.
Кәсіби көмекті ұсыныңыз: Жағдай тым күрделі болса, психологқа жүгінген дұрыс.

Есте сақтаңыз: Көмек сұрау — қалыпты жағдай. Психологқа жүгіну әлсіздіктің белгісі емес, керісінше, өз өміріңізге жауапкершілікпен қараудың қадамы.

М.Х. Дулати атындағы Тараз өңірлік университетінің психолог маманы:

Дәуренова Зейнеп Әбдімәжитқызы — Әлеуметтік жұмыс басқармасының психолог маманы.

Байланыс телефоны: +7 747 571 05 95
Жұмыс мекенжайы: Тараз қаласы, Төле би көшесі 68, 4.2 ғимараты, 111-кабинет
Жұмыс уақыты: Дүйсенбі – Жұма, сағат 09:00 – 18:00